Vous-êtes ici: AccueilSport2021 03 15Article 579815

xxxxxxxxxxx of Monday, 15 March 2021

Source: www.bbc.com

Ramos ne na biyu da aka ci wasan La Liga da yawa da shi a fili

Ranar Asabar, Real Madrid ta doke Elche da ci 2-1 a gasar La Liga karawar mako na 27 da suka fafata a Stefano Di Alfredo.

Dani Calvo ne ya fara ci wa Elche kwallo a minti na 61 daga baya Real ta farke ta hannun Karim Benzema ya farke, sannan ya kara na biyu daf da za a tashi.

Kyaftin din Real, Sergio Ramos ya buga karawar ya kuma zama na biyu a tarihin gasar da aka ci wasanni da yawa a gasar da shi a cikin fili.

Ramos ya buga La Liga sau 508, har da wasanni 39 da ya yi a Sevilla ya kuma ci kwallo 74 kawo yanzu.

Kawo yanzu an ci wasa 334 da shi a gasar, ciki har da 315 a Real Madrid da 19 a Seville, kuma ya yi kan-kan-kan da Casillas a yawan buga wasannin da aka yi nasara.

Lionel Messi na Barcelona ke kan gaba a tarihi da lashe karawa 377 a gasar ta Spaniya.

Ramos ya lashe kofin La Liga biyar a shekarar 2006/07 da 2007/08 da 2011/12 da 2016/17 da kuma 2019/20.

Real tana ta biyu da maki 57 a teburin La Liga, yayin da Barcelona wadda za ta buga ke mataki na uku da maki 56.

Vous êtes témoin d'un fait, vous avez une information, un scoop ou un sujet d'actualité à diffuser? Envoyez-nous vos infos, photos ou vidéos sur WhatsApp +237 650 531 887 ou par email ! Les meilleurs seront sélectionnés et vérifiés par la rédaction puis publiés sur le site.

Rejoignez notre newsletter