Vous-êtes ici: AccueilSport2021 03 11Article 579036

BBC Hausa of Thursday, 11 March 2021

Source: bbc.com

Messi ne gwarzon La Liga na watan Fabrairu

Lionel Messi ne gwarzon dan kwallon La Liga na watan Fabrairu, sakamakon rawar da ya taka a gasar ta Spaniya.

Kyaftin din tawagar Argentina, ya ci kwallo bakwai a watan na Fabrairu, kuma shi ne kan gaba a zura kwallaye a La Liga mai 19 a raga a kakar 2020-21.

Kwallayen da Messi ya ci a watan ya taimakawa kungiyar ta koma ta biyu a teburi da tazarar maki uku tsakaninta da Atletico wadda za ta buga kwantan wasa da Athletic Bilbao ranar Laraba.

Wannan lambar yabo da ya lashe ya kara haskaka bajintar kyaftin din Barcelona a wasannin da yake yi a Spaniya.

Kawo yanzu Messi ya ci kwallo 463 a karawa 508 a gasar La Liga, ya kuma zura biyu a raga a wasa da Deportivo Alaves da kuma Elche a watan na Fabrairu.

Messi ya yi takara ne da Alexander Isak da Yassine Bounou da Thibaut Courtois da Alex Berenguer da Nabil Fekir da kuma Jose Luis Morales.

Vous êtes témoin d'un fait, vous avez une information, un scoop ou un sujet d'actualité à diffuser? Envoyez-nous vos infos, photos ou vidéos sur WhatsApp +237 650 531 887 ou par email ! Les meilleurs seront sélectionnés et vérifiés par la rédaction puis publiés sur le site.

Rejoignez notre newsletter