Vous-êtes ici: AccueilSport2021 03 14Article 579640

xxxxxxxxxxx of Sunday, 14 March 2021

Source: www.bbc.com

La Liga: Benzema ya sake ceto Real Madrid da ƙayatacciyar ƙwallo

Karim Benzema ya ci ƙwallo mai ɗan karen kyau a mintunan ƙarshe, inda ya ceto Real Madrid daga hannun Elche a wasan La Liga mako na 27.

Real Madrid wadda ta fara wasan na Asabar da tazarar maki takwas tsakaninta da Atletico ta saman teburi, ta sha mamaki lokacin da Dani Calvo ya zira mata ƙwallo a raga a minti na 61.

Benzema ne ya farke ƙwallon bayan wani kurosin da Luka Modric ya yo cikin raga a minti na 73.

Yayin da lokaci ya fara ƙure wa Madrid, ɗan ƙasar Faransan ne ya sake ɗaɗata wata ƙwallo da ta daki tirke sannan ta gangara raga biyo bayan wani wasan ba-ni-in-ba-ka da suka yi da Casemiro.

Da wannan sakamako, Real ta koma matsayi na biyu da tazarar maki ɗaya tsakaninta da Barcelona, wadda za ta buga nata wasan ranar Litinin da Huesca.

Ita kuwa jagorar teburin, Atelico Madrid, za ta fafata da Getafe a yau Asabar da ƙarfe 9:00 agogon Nijar da Najeriya.

Vous êtes témoin d'un fait, vous avez une information, un scoop ou un sujet d'actualité à diffuser? Envoyez-nous vos infos, photos ou vidéos sur WhatsApp +237 650 531 887 ou par email ! Les meilleurs seront sélectionnés et vérifiés par la rédaction puis publiés sur le site.

Rejoignez notre newsletter