Vous-êtes ici: AccueilSport2021 03 09Article 578568

BBC Hausa of Tuesday, 9 March 2021

Source: bbc.com

Kasuwar 'yan ƙwallon ƙafa: Makomar Salah, Gerrard, Christensen, Hamsik, Ibrahimovic

"Wajibi ne" Liverpool ta rasa ɗaya daga cikin 'yan wasan gabanta a ƙarshen kakar wasa ta bana, Sadio Mane mai shekara 28, Salah mai 28, Roberto Firmino mai 29, a cewar tsohon ɗan wasan Ireland, Tony Cascarino. (Talksport)

Tsohon shugaban ƙungiyar Rangers, Dave King, ya ce ba zai yiwu ba mai horar da ƙungiyar wato Steven Gerrard ya bar ta domin ya zama kocin Liverpool a nan kusa. (Glasgow Times)

Chelsea na ƙoƙarin sake yi wa ɗan wasan bayanta kuma ɗan ƙasar Denmark mai shekara 24, Andreas Christensen, tayin sabon kwantaragi.

Ana sa ran Zlatan Ibrahimovic mai shekara 39 zai dawo da buga wa ƙasarsa ta Sweden wasanni a wannan watan. (Mail)

Tsohon ɗan wasan tsakiya na Lazio, Marek Hamsik, zai koma IFK Gothenburg. Ɗan ƙasar Slovania ya shafe lokaci yana buga tamaula a China a ƙungiyar Dalian Professional. (Expressen - in Swedish)

Ƙungiyar Millwall mai buga gasar Championship ta Ingila na son Luke McCormick mai shekara 22. (Sun)

Tsohon ɗan wasan Barcelona Xavi ya lashe kofi na farko a matsayinsa na koci bayan ya taimaka wa Al Sadd ta lashe kofin gasar QNB Stars League ta Qatar. (Marca)

Kocin Faransa Didier Deschamps ya ce bai kamata ma a riƙa tunanin Antoine Griezmann ba shi da wuri a cikin tawagar ƙasar. (beIn Sports via Sport - in Spanish)

Vous êtes témoin d'un fait, vous avez une information, un scoop ou un sujet d'actualité à diffuser? Envoyez-nous vos infos, photos ou vidéos sur WhatsApp +237 650 531 887 ou par email ! Les meilleurs seront sélectionnés et vérifiés par la rédaction puis publiés sur le site.

Rejoignez notre newsletter