Vous-êtes ici: AccueilSport2021 03 15Article 579803

xxxxxxxxxxx of Monday, 15 March 2021

Source: www.bbc.com

Karon farko Ronaldo ya ci kwallo uku rigis a Serie A ta bana

Juventus ta je ta doke Cagliari 3-1 a wasan mako na 27 da suka fafata a gasar Serie A ranar Lahadi.

Cristiano Ronaldo ne ya ci wa Juventus kwallo ukun rigis kuma a karon farko a bana, sannan na uku da ya yi wannan bajintar a kungiyar.

Kyaftin din Portugal, mai shekara 36 ya ci kwallon farko da kai, sannan ya ci na biyu da kafar hagu a bugun fenariti ya karkare na uku da kafar dama.

Ronaldo wanda ya koma Juventus a cikin watan Yulin 2018 ya fara cin kwallo uku rigis a Champions League a wasa da Atletico Madrid cikin watan Maris 2020.

A gasar Serie A kuwa, Ronaldo ya ci kwallo uku a karon farko cikin watan Janairun 2020 wasan da Juventus ta doke Cagliari 4-0 ranar 6 ga watan Janairun 2020.

Cagliari ta zare kwallo daya ne ta hannun Giovanni Simeone, kuma kungiyar tana ta 17 a kasan teburi da maki 22.

Wannan ne karon farko da aka yi nasara a kan kocin Cagliari, Leonardo Semplici tun bayan da ya karbi aiki a cikin watan Fabrairu.

Vous êtes témoin d'un fait, vous avez une information, un scoop ou un sujet d'actualité à diffuser? Envoyez-nous vos infos, photos ou vidéos sur WhatsApp +237 650 531 887 ou par email ! Les meilleurs seront sélectionnés et vérifiés par la rédaction puis publiés sur le site.

Rejoignez notre newsletter