Vous-êtes ici: AccueilSport2021 03 12Article 579202

BBC Hausa of Friday, 12 March 2021

Source: bbc.com

Arturo Vidal na Inter zai fara jinya daga ranar Juma'a

Dan wasan Inter Milan, Arturo Vidal zai yi jinya, bayan da likitoci za su yi masa aiki a gwiwar kafarsa ranar Juma'a, kamar yadda kungiyar ta sanar.

Za a yi wa dan kwallon Chile aikin ne a wata cibiyar lafiya da ke Kudancin Milan, kamar yadda kungiyar ta bayyana ranar Alhamis.

Vidal mai shekara 33 ya ci karo da koma bayan raunin da yake yawan jinya a kakar bana da hakan kan hana shi buga wasanni da yawa.

Inter za ta ziyarci Torino wadda ke ta ukun karshe a teburi domin buga gasar Serie A ranar Lahadi, bayan da kungiyar ke fatan cin wasa na takwas a lik a jere.

Inter Milan na fatan lashe kofin Serie A na bana, kuma a karon farko tun bayan shekara 11 rabon da ta lashe shi.

Kungiyar tana ta daya a kan teburi da maki shida tsakaninta da abokiyar hamayya Milan.

Vous êtes témoin d'un fait, vous avez une information, un scoop ou un sujet d'actualité à diffuser? Envoyez-nous vos infos, photos ou vidéos sur WhatsApp +237 650 531 887 ou par email ! Les meilleurs seront sélectionnés et vérifiés par la rédaction puis publiés sur le site.

Rejoignez notre newsletter