Vous-êtes ici: AccueilSport2021 03 12Article 579222

xxxxxxxxxxx of Friday, 12 March 2021

Source: www.bbc.com

Arsenal za ta rama abin da Olympiakos ta yi mata a bara a Europa

Arsenal ta je ta doke Olympiakos da ci 3-1 a wasan zagayen farko a gasar Europa League da suka kara a kungiyoyi 16 da suka rage a gasar.

Martin Odegaard ne ya fara ci wa Gunners kwallo daga yadi na 20, sai Youssef El-Arabi ya farke wa Olympiakos kwallo, wasa ya koma 1-1.

Daga nan ne Arsenal ta kara sa kaimi ta zura kwallo biyu ta hannun Gabriel Magalhaes da kuma Mohamed Elneny.

A kakar bara Olympiakos ce ta fitar da Arsenal daga gasar Turai, bayan da Gunners ta ci 1-0 a Girka ranar 20 ga watan Fabrairun 2020.

Sai dai a wasa na biyu ranar 27 ga watan Fabrairun 2020, Olympiakos ta je Emirates ta ci 2-1 da hakan ya sa aka fitar da kungiyar a gasar bara.

Gunners za ta karbi bakuncin wasa na biyu ranar 18 ga watan Maris a Emirates.

Arsenal wadda take ta 10 a teburin Premier League na fatan lashe kofin Europa na bana, domin ta samu gurbin buga gasar badi kai tsaye.

Vous êtes témoin d'un fait, vous avez une information, un scoop ou un sujet d'actualité à diffuser? Envoyez-nous vos infos, photos ou vidéos sur WhatsApp +237 650 531 887 ou par email ! Les meilleurs seront sélectionnés et vérifiés par la rédaction puis publiés sur le site.

Rejoignez notre newsletter