Vous-êtes ici: AccueilActualités2021 04 20Article 450338

BBC Hausa of Mardi, 20 Avril 2021

Source: BBC

'Yan Real Madrid da za su kara da Cadiz ranar Laraba

Karim Benzema, dan kwallon Real Madrid Karim Benzema, dan kwallon Real Madrid

Real Madrid za ta ziyarci Cadiz ranar Laraba, domin buga wasan mako na 31 a gasar La Liga da za su kece raini a Ramon de Carranza.

A wasan farko da suka fafata a gasar ranar 17 ga watan Oktoban 2020, Cadiz ce ta yi nasara da ci 1-0.

Cadiz din ta zura kwallo a ragar Real Madrid a minti na 16 da fara wasa ta hannun Anthony Lozano.

Real Madrid tana ta biyu a kan teburi da maki 67 da tazarar maki uku tsakaninta da Atletico Madrid mai jan ragama.

Ita kuwa Cadiz mai maki 36 tana ta 13 a kasan teburin gasar ta Spaniya ta bana.

Real Madrid mai rike da kofin La Liga ta kai wasan daf da karshe a Champions League, bayan da ta fitar da Liverpool da kwallo 3-1.

Real din za ta fatra karbar bakuncin Chelsea a gasar ta zakarun Turai a makon karshe na watan Afirilu.

Sannan ta ziyarci Stanford Bridge a makon farko na watan Mayun a karawa ta biyu a Champions League din.

Real Madrid tana cikin kungiyoyi 12 da suke son fara European Super League a Turai, wadda ake ta caccakar wannan sabuwar gasar.

'Yan waasan Real Madrid:

Masu tsaron raga: Courtois da Lunin da kuma Altube.

Masu tsaron baya: Carvajal da E. Militao da Varane da Nacho da Marcelo da Odriozola da Chust da kuma Miguel.

Masu buga tsakiya: Casemiro da Isco da Arribas da kuma Blanco.

Masu cin kwallo: Benzema da Asensio da Vini Jr. da Mariano da kuma Rodrygo.

Sauran wasannin mako na 31 da za a buga ranar Laraba:

  • Levante da Sevilla


  • Osasuna da Valencia


  • Real Betis da Athletic Bilbao


  • Deportivo Alaves da Villarreal


  • Elche da Real Valladolid